Qyzylorda men Qostanaı oblystarynyń turǵyndaryn dári-dármekter týraly aqparat az qyzyqtyrady
ASTANA. 11 sáýir. QazAqparat - 2012 jyldyń birinshi toqsanynda respýblıkanyń dári-dármek ortalyǵyna (DAO) 5 myńnan astam qazaqstandyq qońyraý shalyp, aqparat aldy.
Bul týraly Densaýlyq saqtaýdy damytýdyń respýblıkalyq ortalyǵynan habarlady.
Taratylǵan aqparatqa súıensek, DAO qyzmetine kóbinese Astana qalasynyń (20 paıyz) jáne Ońtústik Qazaqstan oblysynyń (17 paıyz) turǵyndary qońyraý shalǵan. Al Qyzylorda men Qostanaı oblystarynyń halqy dári-dármekter týraly qosymsha aqparattardy asa qajet etpeıtindikterin baıqatty.
Málimetterge sáıkes, túsken ótinimderdiń 40 paıyzy dári-dármekterdi qoldanýmen baılanysty boldy. Adamdardy dári-dármekterdiń baǵasy kóbirek qyzyqtyrdy. Bul másele boıynsha ár bir úshinshi qazaqstandyq qońyraý shaldy. 14 paıyzy kepildengen tegin medıtsınalyq kómektiń kólemine kiretin dári-dármekterdiń tizimin bilgisi keldi.
Kepildengen tegin medıtsınalyq kómek kólemi sheńberindegi tegin dári-dármekterdi alýǵa azamattardyń quqyǵy jaıly qoljetimdi, dáıekti ári tegin aqparatty, sonymen qatar dári-dármekterdi durys qoldaný týraly jáne taǵy basqa aqparattardy www.druginfo.kz saıtynan nemese 8 800 080 88 87 (QR boıynsha qońyraý shalý tegin) nómirine qońyraý shalý arqyly bilýge bolady.
