Qyzylorda men Qostanaı oblystarynyń eki aýdanynda óte qatty qurǵaqshylyq bolýy múmkin

ASTANA. QazAqparat - Sınoptıkter shilde aıyndaǵy qurǵaqshylyqtyń aldyn ala boljamyn jarııalady, dep habarlaıdy QazAqparat «Qazgıdromet» RMK-ǵa silteme jasap.

Aldyn ala boljam boıynsha, shildede Qazaqstannyń basym bóliginde ylǵaldylyq normaǵa jaqyn bolady, al ylǵaldylyq tapshylyǵy bar óńirlerdiń aýdany ulǵaıady dep kútilýde.

Birshama qurǵaqshylyq kútiledi: Aqmola oblysynyń Jarqaıyń aýdanynda, Qostanaı oblysynyń Amangeldi aýdanynda, Aqtóbe oblysynyń Áıteke bı, Yrǵyz, Hromtaý aýdandarynda, Ulytaý oblysynyń Ulytaý aýdanynda, Atyraý oblysy Qyzylqoǵa aýdanynda, Qyzylorda oblysynyń Shıeli aýdanynda.

Qyzylorda oblysynyń Qarmaqshy aýdany men Qostanaı oblysynyń Jangeldi aýdanynda qatty qurǵaqshylyq bolýy múmkin.

Barlyq agrometeorologııalyq boljamdar www.agrodata.kz qosymshasynda jáne «Qazgıdromet» RMK resmı saıtynda jarııalanǵan, Qazaqstan Respýblıkasy Aýyl sharýashylyǵy mınıstrligine usynylady.