Qyzylorda mektebinde oqýshy abaısyzda burysh ballonyn seýip alǵan

QYZYLORDA. QazAqparat - Qyzylordada oqýshy abaısyzda burysh ballonyn shashqan, dep habarlaıdy QazAqparat.

22 qarasha kúni Qyzylorda qalasy polıtsııanyń «102» arnasyna qala aýmaǵynda ornalasqan mektepterdiń birinen habar tústi.

Onda balalardyń belgisiz zattan ýlaný deregi tirkelgeni aıtylǵan.

Oqıǵa ornyna jedel tergeý toby bardy.

Der kezinde oqýshylar men muǵalimder evakýatsııalandy.

Mektepte polıtsııa qyzmetkerleri, medıtsına qyzmetkerleri óz jumysyn atqardy. Zardap shekkender joq.

Tekserý barysynda atalǵan mekteptiń oqýshysy burysh ballonyn oınap turyp seýip alǵany anyqtaldy.

Atalǵan derek boıynsha QR QK 140 babynyń 2-bóligimen sotqa deıingi tergeý júrip jatyr.