Qyzylorda medıtsınalyq mekemelerge 29 avtokólik tabystaldy
ASTANA. QazAqparat - Qyzylorda oblystyq densaýlyq saqtaý mekemeleri úshin jyljymaly flıýro-qondyrǵylar, arnaıy kólikter jáne jeńil avtokólikter satyp alyndy, dep habarlaıdy QazAqparat.
Qyzylorda oblysynyń ákimi Qyrymbek Kósherbaev dárigerlerge 29 sanıtarlyq avtokóliktiń kiltin tabystady.
«Biz halyqqa sapaly ári qoljetimdi medıtsınalyq kómek kórsetýdiń barlyq talaptaryn basshylyqqa alyp otyrmyz. Máselen, jańa týylǵan náresteler úshin jasandy tynys aldyrý apparattaryn aýdandarǵa, Ana men bala ortalyǵyna aldyrdyq. Barlyq aýdandar júrek qan tamyrlary aýrýlaryn erte anyqtaıtyn kardıostandarttar, onkologııalyq aýrýlardy erte satysynda anyqtaýǵa múmkindik beretin endovıdeostoıkalarmen qamtamasyz etildi. Táýelsizdik kúni qarsańynda Syr óńirinde memlekettik-jekemenshik áriptestik aıasynda salynǵan 400 oryndyq emhana paıdalanýǵa berilse, Jańa jyl merekesine tartý retinde densaýlyq saqtaý mekemeleri úshin jyljymaly flıýroqondyrǵylar men yńǵaıly avtokólikter satyp alyndy», - dedi aımaq basshysy. 
Densaýlyq saqtaý salasynyń ardageri Turǵanbaı Mahanov áriptesterin kele jatqan Jańa jyl merekesimen quttyqtap, oblys basshylyǵyna qoldaý kórsetkeni úshin alǵys aıtty.
Atap óteıik, sońǵy 2 jylda medıtsınalyq uıymdardyń materıaldyq-tehnıkalyq bazasy nyǵaıtyldy. Barlyq aýdandarda aýysymyna 250 kelýshige arnalǵan emhanalar jańadan salynyp, jýyrda Jańaqorǵan aýdandyq emhanasy men Qazaly aýdandyq ortalyq aýrýhanasy paıdalanýǵa beriledi. Sonymen qatar, 2018-2019 jj. memlekettik-jekemenshik áriptestiktiń sheńberinde oblys aýrýhanalarynakompıýterlik tomograf jáne angıografııalyq qondyrǵylar satyp alý boıynsha 5 aýqymdy joba qarastyrylyp otyr. 
