«Qyzylorda masters» respýblıkalyq týrnıriniń jeńimpazdary anyqtaldy
QYZYLORDA. QazAqparat - Qyzylorda qalasynda tennısten 12 jasqa deıingi jasóspirimder arasynda «Qyzylorda masters» respýblıkalyq týrnıri ótti. Bul týraly QazAqparat HAA tilshisi habarlady.
Atalmysh jarysqa Astana, Almaty qalalary men, Almaty, Aqmola, Batys Qazaqstan oblysy jáne Qyzylordadan 60 tennısshi qatysyp, úzdikter anyqtaldy.
Týrnır qorytyndysy boıynsha uldar arasynda qyzylordalyq sportshylar belsendilik tanytyp, júldeli oryndardy ıelendi. Atap aıtsaq, Erasyl Erdilda altynnan alqa taǵynsa, Jaqas Qozbaq kúmis júldeni, Bekjigit Mınaj qola júldeni enshiledi.
Al qyzdar arasynda qyzylordalyq Edellıs Narmaǵanbet jeńis tuǵyryna kóterildi. Ekinshi oryndy astanalyq Adema Asqarova, úshinshi oryndy qyzylordalyq Ýrsýla Rahmet ıelendi.
Mıkst ereksheligi boıynsha 1-oryn Jaqas Qozbaq, Edellıs Narmaǵanbet (ekeýi de Qyzylorda), 2-oryn Erasyl Erdilda (Qyzylorda), Taıra Ábildaeva (Almaty q.) 3-oryn Adema Asqarova, Igor Tatarov (ekeýi de Astana q.).
Endi E.Erdilda, J.Qozbaq jáne E.Narmaǵanbet 21-25 mamyrda Astana qalasynda Azııa chempıonatyna (Ashhabad) irikteý jarysyna qatysady.
