Qyzylorda mańynda júk kóligi órtendi
Qyzylorda oblystyq tótenshe jaǵdaılar departamentiniń habarlaýynsha, órt sóndirýshiler jalyndy jeti mınýt ishinde sóndirip úlgerdi. Órt saldarynan zardap shekken eshkim joq. Túrkistan oblysy Ordabasy aýdanynda turatyn júk kóliginiń ıesi eshqandaı dárigerlik kómekke júginbegen.
«Órt sóndirýshiler barǵan ýaqytta júk kóliginiń kabınasy men úsh dóńgelegi janyp jatqanyn kórgen. Aldyn ala jasalǵan boljam boıynsha órt elektr symdarynyń qysqa tuıyqtalýynan shyqqan bolýy múmkin. Oqıǵa ornynda arnaıy zerthana jumys jasady. Kelgen shyǵyn mólsheri anyqtalýda. Bıyl «Batys Eýropa – Batys Qytaı» halyqaralyq avtojoldyń Qyzylorda oblysy aýmaǵynda 19 órt oqıǵasy tirkelgen», - dedi oblystyq tótenshe jaǵdaılar departamenti bastyǵynyń orynbasary Rýslan Qaıraqbaev.
Buǵan deıinQyzylordada gaz ballonynyń jarylyp,turǵyn úıde órt shyqqanyn habarlaaǵan bolatynbyz.