Qyzylorda qalasynyń shetki aımaǵyn aıaq sýmen qamtý jaqsardy
Qyzylorda qalasy Syrdarııa ózeni men Ońjaǵa magıstraldyq kanaly boıynda ornalasqan. Soǵan qaramastan oblys ortalyǵyn aıaq sýmen qamtý kórsetkishi tómen. Nebári 30-35 paıyzdy ǵana quraıdy. Oblys ortalyǵynda uzyndyǵy 54,6 shaqyrymdy quraıtyn aryq júıesi bar.
«Qyzylorda qalasyn aıaq sýmen qamtamasyz etý maqsatynda Jibek joly jáne Qyzyljarma kanaldaryn kútip ustaýǵa nazar aýdarylýda. Aldaǵy ýaqytta «Qyzyljarma» kanaly arqyly qalanyń KBI, Kommýnızm, Shanhaı, Gagarın bóligindegi 40 myńǵa jýyq adam aıaq sýmen qamtamasyz etiledi. Oǵan qosa atalǵan qajettilikpen Qyzyljarma aýyldyq okrýgindegi 8 myńǵa jýyq adam qamtamasyz etiledi», - dep oblys ákimdiginenen.
Qyzylorda qalasyndaǵy Syrdarııa ózeniniń sol jaǵalaýynan 2 tehnıkalyq sý jınaý uńǵymasyn burǵylandy. Bul qaladaǵy kógaldandyrylǵan aýmaqtar men taldardy zamanaýı ádis-tásildi paıdalanýǵa jol ashady. Sondaı-aq, kópqabatty úıler aýlasyn aıaq sýmen qamtý arqyly gúlzarlar men taldarǵa tamshylatyp jáne júıektep sýarýǵa múmkindik beredi. Aıta keteıik, dál osy sekildi sý jınaý uńǵymasy buǵan deıin de qala aýmaǵynda qoldanylyp, oń nátıjesin kórsetken.
«Aldaǵy ýaqytta aryq júıesin aıaq sýmen qamtamasyz etý baǵytynda 26 barlaý óndiristik uńǵymasyn ornatý maqsatynda joba-smetalyq qujat ázirleýge jáne memlekettik saraptamadan ótkizýge oblystyq bıýdjetten 98 mln teńge qarjy bólindi. Bul baǵytta memlekettik satyp alý konkýrsy júrgizildi. Nátıjesinde oblys ortalyǵyna jáne qalaǵa qarasty kent, aýyldyq okrýgterge tehnıkalyq uńǵymalar ornatylady dep josparlanýda», - dep málim etti oblys ákimdiginen.
Eske salsaq, Qyzylorda qalasynda Óner saraıy men Neke saraıy boı kóteredi .
