Qyzylorda qalasynyń ortalyǵynda atys boldy
QYZYLORDA. QazAqparat - Búgin Qyzylorda qalasynyń ortalyq bóligindegi Áıteke bı kóshesinde jergilikti jastar arasynda atys boldy, dep habarlaıdy QazAqparat tilshisi.
Áleýmettik jelide atalmysh oqıǵanyń vıdeosy paıda boldy. Onda belgisiz jas jigittiń toptan qashyp shyqqany ańǵarylady. Ol sálden keıin sómkeden qarý sekildi zat alyp shyǵady. Onyń sońynan qýyp kele jatqandar keri burylyp qashady. Keıin qarý daýysy estiledi. Sondaı-aq, vıdeoda kóshede ketip bara jatqan adamdardyń jan-jaqqa qasha jónelgeni baıqalady.
Qyzylorda oblystyq Іshki ister departamentiniń baspasóz qyzmeti oqıǵany rastap, málimet taratty.
«Qyzylorda qalasy, Áıteke bı kóshesiniń boıynda bolǵan buzaqylyq deregi boıynsha sotqa deıingi tergep-tekserý jumystary bastaldy. Seziktiler ustaldy, oqıǵanyń mán-jaıy anyqtalýda», - delingen habarlamada.
Kyzylorda. Chto slýchılos?
Ádilet Qańtarbaev
