Qyzylorda qalasynyń ákimi batyr anany úıine baryp quttyqtady
QYZYLORDA. 8 naýryz. QazAqparat /Jańagúl Serdaly/ - Qyzylorda qalasynyń ákimi Marhabat Jaıymbetov 15 bala tárbıelep ósirgen Abaı aýylynyń turǵyny Aımaǵambetova Naǵıma apanyń otbasynda bolyp, Halyqaralyq áıelder kúnimen quttyqtady.
Syr óńiri altyn qursaqty kóp balaly analarymen maqtanady. Naǵıma Aımaǵambetova 45 jyl dala tósinde eńbek etip, qol jetkizgen tabystary úshin «Dańq» ordenimen marapattalǵan. Kúrish egýden 91 tsentnerden ónim alyp, Syr marjanyn búkil Odaqqa tanytqan eńbekqor ana. Búginde Naǵıma ana men Qappar aǵadan taraǵan on bes baladan, 30 nemere, 8 shóbere bar.
Osy berekeli otbasynda qala ákimi Marhabat Jaıymbetov bolyp, ómir joly ózgelerge úlgi, demografııalyq saıasatqa úlken úles qosqan batyr anaǵa úlken alǵysyn bildirip, izettilik kórsetip ústine shapan japty.
