Qyzylorda qalasyndaǵy «Saıahat» shaǵyn aýdanynda jańa mektep salynady
Bul jaǵymdy jańalyq qala ákimi Nurlybek Nálibaevtyń turǵyndardy jeke máseleleri boıynsha qabyldaýynda jarııa etti. Qala ákimdigi azamattardy turaqty túrde onlaın qabyldap keledi. Turǵyndardyń
saýaldarynyń basym bóligi turǵyn úı, modernızatsııa, jer jáne ózge de taqyryptardy qamtıdy.
Jergilikti turǵyn Meıramkúl Dáýrenova qala ákiminń qabyldaýynda ózine berilgen jerge bógde azamat úı salyp alǵanyn jetkizdi. Endi osy aýmaqtan basqa jer telimin zań aıasynda alsam degen nıetin jetkizdi. Bul saýal boıynsha qala basshysy máseleniń bir aptada sheshiletinin aıtyp ótti.
Ol qala basshysynyń baqylaýynda bolady. Zeınetker júzdesý barysynda «Saıahat» shaǵyn aýdanyndaǵy aıaldama, mektep, dúken jaıynda da másele kóterdi.
Buǵan baılanysty qala ákimi «Qazir «Saıahat» shaǵyn aýdanynda 280 oryndyq memlekettik balabaqsha bar. Qazir jeke kásipker esebinen mektep salynýda. Onyń qurylysy keler jyly aıaqtalady. Al qoǵamdyq kólik júretin kósheler boıyna aldaǵy aptada aıaldama ornatylady» - dedi.
Onlaın qabyldaýǵa júgingen «Báıterek» shaǵyn aýdanynyń turǵyny Lázzat Sarjanova qosymsha jer ýchaskesin zańdastyrý boıynsha ótinishin jetkizdi. Kórshi jer ýchaskesi gaz taratý qurylǵysynyń ornalasýyna baılanysty ıgerýsiz jatyr. Ol qala basshysynan paıdalanýǵa jaramdy jerdi zańdastyryp alýǵa kómek berýin surady. Oǵan qala ákimi bul máselen jaqyn arada sheshiletinin jetkizdi.
Al Raýshan Seıilova qala basshysyna Óserbaev kóshesi №19 úı turǵyndary atynan modernızatsııa máselesine qatysty saýalyn joldap, birqatar usynysy baryn baıandady. Kópqabatty úı turǵyndaryny aýladan M.Áýezov kóshesine shyǵatyn jolǵa qoıylǵan shlagbaým jaıynda aıtty.
Qala ákimi qazirgi ýaqytta qurylys jumystary júrgizilip jatqandyqtan aýladan shyǵatyn joldyń ýaqytsha jabylǵanyn aıtyp ótti.
Qabyldaýǵa kelgen ózge de turǵyndardyń ótinishi men usynystary muqııat tyńdaldy. Árbir másele boıynsha tıisti sheshimder qabyldanady.
Buǵan baılanysty quzyrly sala basshylaryna naqty mindetter júktedi. Sondaı-aq, Qyzylordada 14 shaqyrym jylý júıesin qaıta jańǵyrtý
jumystary júrgizildi.