Qyzylorda qalasyndaǵy №217-shi mektepte daýys berý qyzý júrip jatyr
QYZYLORDA. 3 sáýir. QazAqparat /Jańagúl Serdaly/ - Qyzylorda qalasyndaǵy №217-shi mekteptegi №308-shi saılaý ýchaskesinde 1717 saılaýshy tirkelgen.
Munda saılaýshylar legi tańǵy saǵat 7-den bastap aǵylýda. 12-ge deıin densaýlyǵyna baılanysty ýchaskege kele almaıtyn adamdar tizimi jasaqtalyp, olardyń úılerine jyljymaly jáshik aparylady. Ondaı saılaýshylar sany 27 adamdy qurap otyr. Saılaý ýchaskesine alǵashqylardyń qatarynda oblystyq máslıhattyń hatshysy Nurlan Qudaıbergenov kelip, óz tańdaýyn jasady. «Bul - erekshe kún, óıtkeni árbir qazaqstandyq keleshegi úshin daýys berip, tańdaýyn jasaýda. Men de qalaǵan úmitkerime óz daýsymdy berdim», - deıdi Nurlan Baıazıtuly.
№308-shi saılaý ýchaskesinde daýys berý jalǵasyp jatyr. Ásirese, ádettegideı aǵa býyn ókilderi saıası naýqanda belsendilik tanytýda. Jaýapkershilik degen qasıet qarttarda óte joǵary ekeni sózsiz.
