Qyzylorda qalasynda jumyssyzdyq deńgeıi 0,6 paıyzdyq tarmaqqa tómendedi

QYZYLORDA. 30 mamyr. QazAqparat - Qyzylorda qalasynda búgingi tańǵa jumyssyzdyq deńgeıi 0,6 paıyzdyq tarmaqqa tómendedi. Bul týraly qala ákimdiginiń baspasóz qyzmeti habarlady.

«Jumyspen qamtý - 2020» baǵdarlamasy ekonomıkalyq turǵydan belsendi jáne jumyspen qamtylǵan halyq sanynyń artyp, eńbek naryǵynyń keńeıýine septigin tıgizýde.

Baǵdarlamanyń birinshi baǵyty boıynsha respýblıkalyq bıýdjetten bólingen 221 mln. 100 myń teńgege Qyzylorda qalasynda 407 turǵyn áleýmettik jumys ornymen, 229 jas maman jastar tájirıbesimen qamtyldy.

Azamattardyń óz isin uıymdastyrýyna múmkindik beretin ekinshi baǵyt negizinde bólingen qarjy bıyl qalada 1,5 esege artty. Jyl ishinde 70 qyzylordalyq óz kásibin ashyp, 200 turǵyn jumyspen qamtylady dep josparlanýda.

«Buǵan qosa, jyl basynan qalada 1096 jańa jumys orny ashylyp, 1198 turǵyn jumysqa ornalasty. Qabyldanǵan sharalardyń nátıjesinde jumyssyzdyq deńgeıi 0,6 paıyzdyq tarmaqqa tómendep, 4,7 paıyzdy qurady», - dedi oblys ákimdiginde ótken Qyzylorda qalasynyń damý máseleleri jónindegi keńeıtilgen májiliste qala ákimi Nurlybek Nálibaev.