Qyzylorda qalasynda jolaýshylar avtobýsy tolyǵymen janyp ketti
Oqıǵa búgin, 18 qazanda Qyzylorda qalasyndaǵy «Astana» shaǵynaýdanynda ornalasqan avtobýs aıaldamasynda boldy.
Saǵat 10.51 kezinde tótenshe jaǵdaılar qyzmetine avtobýstyń janyp jatqany jóninde habar kelip tústi.
«Oqıǵa ornyna №4 órt sóndirý bólimshesinen 5 qyzmetker 1 tehnıkamen bardy. Mamandar barǵan sátte qalaishilik №21 baǵdarly avtobýstyń tolyǵymen janyp jatqanyn anyqtady. Oǵan gaz ornatylǵany belgili boldy. Saǵat 11.07-de oqshaýlandyrylyp, 11.09-da tolyǵymen sóndirildi. Kólik júrgizýshisiniń qujattary tolyǵymen janyp ketken. Oqıǵadan qaza bolǵandar jáne zardap shekkender joq», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada qorada turǵan 5 bas mal men myń býma shóp órtenip ketken edi.
