Qyzylorda qalasynda Jol qozǵalysy qaýipsizdiginiń aptalyǵy ótkizilýde
QYZYLORDA. QazAqparat - «Balalardyń joldaǵy qaýipsizdigi» atty keń aýqymdy aktsııa sheńberinde jol qozǵalysynyń jas ınspektorlary jáne Qyzylorda qalasyndaǵy №198 orta mektebiniń oqýshylary is-shara ótkizdi, dep habarlaıdy QazAqparat HAA tilshisi.
Shara barysynda oqýshylar kólik júrgizishileri men jaıaý júrginshilerge úndeý jasap, jolda júrý mádenıetin saqtaýǵa, jol qozǵalysy qaýipsizdigin qamtamasyz etýge shaqyrdy. Sondaı-aq, olar aýmaq basshysyna ótinish bildirip, barlyq jol qozǵalysy qatysýshylarynyń atynan jol qozǵalys qaýipsizdiginiń álemdik aptalyǵyn qoldaýyn surady.
Budan bólek, shara barysynda Jol qozǵalysynyń jas ınspektorlary búkil álem balalarynyń kómegimen jasalǵan Jol qozǵalys qaýipsizdiginiń balalar deklaratsııasyn Qyzylorda QІІB Jergilikti polıtsııa qyzmeti bastyǵynyń orynbasary polıtsııa maıory Shaǵyrbaı Rýslan Ishanbekulyna tabystap, ol kezeginde Qazaqstan Respýblıkasy ІІM ÁPK atynan Jol qozǵalys qaýipsizdiginiń 4-shi álemdik aptasynyń ashylýymen quttyqtady.
Qyzylorda oblysynyń turǵyndary arasynda jyldamdyqty saqtaý erejesin buzbaý jóninde úgit-nasıhat jumystary júrgizildi.
Jol qaýipsizdiginiń máselesi barlyq álemniń damyǵyn memleketterde óte ózekti másele balyp tabylady. Zardap shekkenderdiń jas shamasy - 10 men 24 jas aralyǵyn qamtıdy.
Bul oraıda jyldamdyqty asyrý joldaǵy qaýip-qaterdiń basty faktory bolyp otyr.
Jyldamdyqty asyrǵan saıyn jol apatynyń qurbany bolý qaýpi joǵarylap, aýyr jol kólik oqıǵalarynyń oryn alýyna ákep soqtyrady. Jyldamdyqty saqtaý máselesi tek júrgizýshiler men jolaýshylarǵa ǵana emes, ol basqa da velosıpedıstter jáne jaıaý júrginshiler sııaqty jol qozǵalysynyń qatysýshylaryna da qatysty.
