Qyzylorda qalasynda jeldiń kúshtiliginen 0-4 synyp oqýshylary qashyqtan oqıdy

QYZYLORDA. QazAqparat - Qyzylorda qalasynda aýa raıynyń qolaısyzdyǵyna jáne jeldiń kúshtiligine baılanysty 29 qarashada 0-4 synyptar aralyǵyndaǵy oqýshylar qashyqtyqtan oqytylady, dep habarlaıdy QazAqparat tilshisi.

Bul jóninde Qyzylorda qalasynyń bilim bólimi málim etti.

«Qyzylorda qalasy boıynsha aýa-raıynyń qolaısyzdyǵy, jeldiń kúshtiligi kórinis berip otyr. Osyǵan baılanysty 29 qarashada 0-4 synyp oqýshylary qashyqtan oqytylatynyn habarlaımyz», - dep jazylǵan habarlamada.

Eske salsaq, budan buryn 27 qarashada Qyzylorda oblysy Jalaǵash kentinde qatty jeldiń áserinen №201 mektep-lıtseıdiń shatyry ushyp ketti.

Aýdan ákimdiginiń habarlaýynsha, 28-30 qarasha aralyǵynda mekteptegi sabaq toqtatylǵan.