Qyzylorda qalasynda jappaı tóbeleske qatysqandar ustaldy
QYZYLORDA. QazAqparat – Qyzylorda qalasynda jappaı tóbeleske qatysqandar ustaldy, dep habarlaıdy QazAqparat tilshisi.
Qalalyq polıtsııa basqarmasyna turǵyndardan jas jigitterdiń arasyndaǵy tóbeles jóninde habarlama túsken.
«Ekige bólingen jastar bir-birimen eregisip, sońy tóbeleske ulasqany belgili boldy. Oǵan qatysqan 12 adamnyń barlyǵy anyqtaldy. Olar – oblys ortalyǵynyń 25-30 jas aralyǵyndaǵy turǵyndary. Barlyǵy mindetti medıtsınalyq saraptamadan ótken soń, túsinikteme berý úshin polıtsııaǵa jetkizildi. QR Qylmystyq kodeksiniń 293-baby 2-bóligi boıynsha tergep-tekserý əreketteri bastaldy», - dep málim etti Qyzylorda oblystyq Polıtsııa departamentinen.
