Qyzylorda qalasynda turǵyn úı tolyǵymen janyp ketti
Oblystyq tótenshe jaǵdaılar departamentine búgin, 13 shilde saǵat 00:23-te oblys ortalyǵyndaǵy M. Dýlatov kóshesinde ornalasqan turǵyn úıdiń janyp jatqany jóninde habarlama tústi. Atalǵan shaqyrtý boıynsha oqıǵa ornyna órt sóndirý qyzmeti shyqty.
«Barlaý jumystarynyń nátıjesinde karkastan salynǵan turǵyn úıdiń jáne aýladaǵy turmystyq zattardyń órtengeni anyqtaldy. Órt sóndirýshilerdiń jedel is-qımylynyń arqasynda jaqyn ornalasqan taǵy bir turǵyn úıdiń órtenýiniń aldyn alýdyń múmkindigi týdy. Órtengen úı ishinde adam bolmaǵan. Órt ishinen 50 lıtrlik gaz ballony shyǵaryldy. Zardap shekkender men qaza bolǵandar joq. Órttiń shyǵý sebebi men shyǵyny anyqtalýda», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada suıyq zat tıelgen sheteldik júk kóligi janyp ketti.
