Qyzylorda qalasynda taǵy bir azamat sýǵa ketti
QYZYLORDA. 3 shilde. QazAqparat - Búgin 09 saǵat 16 mınýtta Qyzylorda qalasynyń 1977 jyly týǵan turǵyny Valerıı Bakalov Syrdarııa ózenine sýǵa batyp ketti, dep habarlaıdy oblystyq tótenshe jaǵdaılar departamenti baspasóz qyzmetiniń bas mamany Aıgúl Nurmanova.
Qala turǵyny osynda kelip shomylmaq bolǵanda abaısyzda sýdyń aǵynymen ketip qalǵan. Oqıǵa bolǵan jerge artynsha oblystyq QІІB-niń jedel toby quramynda 3 adam, 1 birlik tehnıkasy, oblystyq sýdan qutqarý qyzmetinen 3 qyzmetker, 1 birlik tehnıkasy keldi.
Máıit oblystyq sýdan qutqarý qyzmeti qyzmetkerleriniń kúshimen sýdan shyǵaryldy.
