Qyzylorda qalasynda «Syr súleıleri» atty jańa alleıa qurylysy júrip jatyr

Qashannan da jyr eli atanǵan óńir­de osy kúnge deıin óreli óner ıelerine ar­nal­ǵan arnaıy oryndar joq edi. Igi basta­ma sol olqylyqtyń ornyn tol­tyr­ǵaly otyr. Qaladaǵy Jibek joly kóshesiniń boıynan oryn tebetin alleıa meımandarǵa da­rııa boıyndaǵy dúıim eldiń mádenı qa­zy­naǵa baı ekenin ańǵartyp turatyn bolady. Onda Balqy Ba­zar, Turmaǵanbet, Nurtýǵan jáne Nartaı se­kildi kóptegen óner ıeleriniń es­kert­kish­teri boı túzeıdi.

Alleıany «Qalalyq turǵyn-úı kommýnaldyq sharýashylyǵy, jolaýshylar kóligi jáne avtomobıl joldary bóliminiń» tapsyrysy negizinde «Agrospetsmontaj» óndiristik kooperatıvi salýda.

Qala ákimi M. Jaıymbetov alleıa qurylysy salynyp jatqan aımaqta bolyp, merdigerlerdiń jumysyn baqylaýǵa aldy.

Qala basshysynyń talabyna sáıkes qurylys jumystary qyrkúıek aıynyń ortasyna deıin aıaqtalýy qajet.