Qyzylorda qalasynda mobıldi top 10 myńǵa jýyq nysandy aralaǵan
Osy maqsatta top músheleri oblys ortalyǵyndaǵy birqatar nysandy aralady. Top ókilderi Ahmet Baıtursynov kóshesinde ornalasqan «Kino time» ortalyǵynda karantın talaptaryn saqtamaý jaǵdaıyna nazar aýdardy. Kásip ıesine anyqtama toltyrylyp, ol quzyrly organdarǵa joldandy. Qazirge deıin top músheleri tarapynan reıd jumystary jalǵasýda. Nátıjesinde olar 10 myńǵa jýyq nysandy aralady.
Sanıtarlyq talaptardy saqtamaǵan jalpy 244 nysan boıynsha anyqtama qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy. Quzyrly organ tarapynan osyndaı kemshilikterge jol bergen 130 adamǵa ákimshilik hattama toltyrylǵan. Onyń ishinde QR «Ákimshilik quqyq buzýshylyq týraly» kodeksiniń 462-baby, 3 tarmaǵy boıynsha 3, osy kodekstiń 425-baby, 1 tarmaǵymen 127 adamǵa tıisti shara kórildi.