Qyzylorda qalasynda kóshede atys boldy
QYZYLORDA. QazAqparat - Qyzylorda qalasyndaǵy shaǵynaýdandardyń birinde 29 shilde túnde atys boldy, dep habarlaıdy QazAqparat tilshisi.
Málim bolǵandaı, oqıǵa 29 shilde túngi saǵat 22.30 shamasynda oblys ortalyǵyndaǵy «Shuǵyla» shaǵynaýdanynda bolǵan.
Turǵyndar kósheden atys daýysyn estigen.
Bul jóninde oblystyq polıtsııa departamenti baspasóz qyzmeti tómendegishe túsinikteme berdi.
«Atalǵan derek boıynsha QR Qylmystyq kodeksiniń 293-babynyń 3-bóligindegi 2-tarmaǵy (Buzaqylyq) boıynsha sotqa deıingi tergep-tekserý amaldary bastaldy. Oqıǵanyń mán-jaıy anyqtalyp jatyr», - dep málim etti departamentten.
Eske salsaq, budan buryn Qyzylordada búldirshin qyzǵa azǵyndyq áreket jasady degen kúdikpen er adam ustalǵan edi.
