Qyzylorda qalasynda kommýnaldyq qyzmetter kúsheıtilgen rejımge kóshti
QYZYLORDA. QazAqparat - Qyzylorda qalasynda jaýyn-shashyn saldarynan týyndaǵan qolaısyzdyqtarǵa baılanysty kommýnaldyq qyzmetter kúsheıtilgen rejımge kóshti, - dep habarlady QazAqparat tilshisi.
Keshe Qyzylorda qalasynda jaýynnyń arty kóktaıǵaqqa ulasty. Kólik jáne jaıaý júrginshiler joldaryn muzdan tazartý jumystaryna 16 arnaıy tehnıka (5 traktor, 9 Kamaz, 2 kishi tazalaǵysh tehnıka) jumyldyrylyp, 150 tonnadan astam qum men tuz aralas qospa sebildi. 130 qyzmetker jaıaý júrginshi joldaryndaǵy muzdardy oıyp, tazalaý jumystaryn júrgizgen.
Búgin túngi saǵat 3-ten bastap jaýǵan qardy tazalaý jumystaryna «Qyzylorda Tazalyǵy» JShS tarapynan 44 arnaıy tehnıka (10 arnaıy qum-tuz sebýge arnalǵan KAMAZ, 6 kishi tehnıka, 5 traktor «Şetka», 3 ÝAZ «Chıstık», 2 «AMKADOR» qar tazalaǵysh tehıka, 3 qar tıegish KAMAZ, 3 qar tıegish traktor, 3 «MK-7» arnaıy jabdyqtalǵan kishi tehnıka, 7 qoqys tasyǵysh tehnıka, 1 greıder, 1 júk tıegish tehnıka) jáne qosalqy merdiger mekemeler tarapynan 7 dana arnaıy tehnıka jumyldyryldy.
Qazirgi tańda kóshedegi muzdardy eritý maqsatynda 336 tonna qum men tuz aralas qospa sebildi. 180 qyzmetker jaıaý júrginshi joldaryn tazalaý jumystarymen aınalysyp jatyr.
