Qyzylorda qalasynda káriz stantsııasynda eki jumysshy ýlanyp kóz jumdy
Oqıǵa búgin, 15 qyrkúıekte oblys ortalyǵyndaǵy Qydyrov jáne Nurmaqov kósheleriniń boıynda bolǵan.
Bul jóninde oblystyq Tótenshe jaǵdaılar departamentine saǵat 1.29 shamasynda habar kelip túsken.
«Oqıǵa ornyna barǵanda káriz stantsııasynda tereńdigi 2 metrge jýyq shaıyndy sýdyń toltyrylǵany anyqtaldy. Onda 1957 jáne 1968 jylǵy azamattardyń belgisiz jaǵdaıda gazdan ýlanyp, kóz jumǵany belgili boldy. «Qyzylorda sý júıesi» mekemesinde jumys isteıtin eki adamnyń jeke qorǵanys quraldary bolmaǵan. Oqıǵa ornynda jedel qutqarý jasaǵynan 1 tehnıkamen 5 qutqarýshy bardy. Mamandardyń kúshimen máıitter syrtqa shyǵarylǵan», - dep málim etti Qyzylorda oblystyq Tótenshe jaǵdaılar departamentinen.
Eske salsaq, budan buryn Qyzylordada eskeksiz qaıyqpen kól ortasynda qalyp qoıǵan 3 adam qutqaryldy.
