Qyzylorda qalasynda karantın talaptaryn saqtamaǵan kásipkerler jaýapkershilikke tartyldy
Qala ákimdigi, epıdemıolog mamandar jáne polıtsııa qyzmetkerlerinen quralǵan arnaıy monıtorıngt toby karantın talaptarynyń saqtalýyn qadaǵalaý maqsatynda tórt baǵytta jumys júrgizdi. Reıd kezinde tıisti talaptardy saqtamaǵan birqatar kásipkerlik nysany anyqtaldy. Bul oryndarda maska taǵý jáne qorǵanysh qolǵabyn kııý tártibi saqtalmaǵan.
«Nátıjesinde Qyzylorda qalasynda karantın talaptardy saqtamaǵan 13 kásipkerlik nysan anyqtalyp, kásip ıelerine hattama toltyryldy. Reıd barysynda dúken men qoǵamdyq tamaqtaný oryndarynyń shekti ýaqyttan tys jumys jasap turǵandyǵy belgili boldy. Máselen, Qorqyt ata kóshesinde ornalasqan «Salamat» dúkeniniń ıesi jumysyn 22:30-ǵa deıin júrgizgen. Al A.Baıtursynov kóshesiniń boıyndaǵy «Kommýnalka bar» dámhanasyna kelýshi qatary 23:00-ge deıin toqtaǵan joq», - dep málim etti Qyzylorda qalasy ákiminiń baspasóz qyzmeti.
Qala ákiminiń orynbasary Bektas Nurıdınov bastaǵan mobıldi top karantın shekteýin saqtaman kásip ıelerine zańǵa talaptaryna túsindirdi. Olarǵa qatysty hattama toltyryldy. Qujat tıisti Taýarlar men kórsetiletin qyzmetterdiń sapasy men qaýipsizdigi basqarmasyna joldandy.
Qala ákimdiginń habarlaýynsha, buǵan deıin de arnaıy monıtorıng toby qala aýmaǵyndaǵy kásipkerlik nysandardy aralady. Olar túsindirý jumysy júrgizdi. Nátıjesinde búgingi kúnge deıin 116 hattama toltyrylyp, sotqa joldanyp, 8 kásip ıesine shara qoldanyldy. Bul jumys karantın merzimi aıaqtalǵansha jalǵasady.