Qyzylorda qalasynda bıyl 1244 kásipkerlik nysany ashyldy
Qyzylorda qalasynda 1 tamyzǵa deıingi málimet boıynsha, 25 myń 681 shaǵyn kásipkerlik nysany bar. Onyń ishinde 21 526 nysan naqty jumys istep tur. Olardyń arasynda 83,8 protsenti belsendi qyzmet kórsetedi. Oblys kóleminde jumys istep turǵan shaǵyn jáne orta kásipkerlik nysandarynyń teń jarymyna jýyǵy Qyzylorda qalasynyń úlesine tıedi.
«Shaǵyn jáne orta bıznes nysandary bıyl 51,8 mlrd. teńgeniń ónimin shyǵardy. Ol ótken jyldyń tıisti kezeńimen salystyrǵanda birshama ósti. Aıta keterligi, kásipkerlik nysandarynda eńbekpen qamtylǵan azamattar sany artyp keledi. Bıyl 1244 kásipkerlik nysany óz jumysyn bastady. Oǵan qosa aınalymy 2 mln. teńgeden asatyn nysandar sany kóbeıdi. Bul oraıda memlekettik birqatar baǵdarlanyń paıdasy tıip otyr. Atap aıtqanda, «Bıznestiń jol kartasy 2025» baǵdarlamasy aıasynda 54 joba qoldaý taýyp, onyń ishinde qazirge deıin 33 joba qarjylandyryldy. Sondaı-aq, ekinshi deńgeıli bankterde 55 jobanyń qujattary qaralýda», - dedi Qyzylorda qalalyq kásipkerlik, ónerkásip jáne týrızm bóliminiń basshysy Baǵlan Amankeldıev.
Sondaı-aq, «Qarapaıym zattar ekonomıkasyn damytý» boıynsha qala kásipkerleri úlken qoldaýǵa ıe boldy. Jobalardy jeńildikpen nesıeleý baǵdarlamasy júzege asyrylǵan ýaqyttan beri qala boıynsha jalpy quny 32 joba qoldaý tapty. Olardyń jalpy quny 2 mlrd. 549 mln. teńgeni quraıdy. Bıyl bul baǵytta 11 joba qarjylandyryldy. Ol ótken jyldyń tıisti kezeńimen salystyrǵanda 40 paıyzǵa joǵarylaǵan.
Qyzylordada turaqty Jol kartasy aıasynda 452 jumys orny saqtalady.