Qyzylorda qalasynda aýyz sý júıeleri jańǵyrtylýda
QYZYLORDA. QazAqparat - Qyzylorda qalasynda aýyz sý júıeleri jańǵyrtylýda, dep habarlaıdy QazAqparat tilshisi.
Oblys ortalyǵynda bul baǵytta tıisti jumystar qolǵa alynǵan. Máselen, «Araı-Shuǵyla» turǵyn aýdanynda aýyz sý máselesi ózekti másele bolatyn. Qala ákiminiń tapsyrmasymen turǵyndarǵa qolaıly orta qalyptastyrý maqsatynda sý qubyryn tartý úshin joba-smetalyq qujattamalary daıyndaldy. Nátıjesinde Jibek joly kóshesinen Táýelsizdik kóshesine deıingi aralyqty qamtıtyn aýyz sý jelisiniń qurylysy bastaý aldy.
«Qurylys jumystaryn «Mehanızator» JShS merdiger mekemesi júrgizýde. Joba boıynsha uzyndyǵy 7864 metrdi quraıtyn magıstraldi qubyr jáne 175 jeke turǵyn úıge aýyz sý qubyryn kirgizý qarastyrylǵan. Qazir2 myń 300m magıstraldi qubyr salynyp, 86 jeke turǵyn úıge aýyz sý qubyry kirgizildi.
Bıylǵy jyldyń jeltoqsan aıynda shaǵyn aýdan turǵyndary tolyqtaı sapaly aýyz sýmen qamtamasyz etilmek», - dep málim etti Qyzylorda qalasy ákimdiginen.
Sondaı-aq, Qyzylorda qalasynda mobıldi top 10 myńǵa jýyq nysandy aralaǵan.
