Qyzylorda qalasynda 3 mádenı nysan jóndeldi
Baǵdarlama boıynsha A.Toqmaǵambetov, M.Eralıeva atyndaǵy jáne qalaǵa qarasty Abaı aýyldyq mádenıet úıleri jóndeýden ótti. Atalǵan jumysty «Qurylys Bıznes jáne K» JShS tolyqtaı atqaryp shyqty.
A.Toqmaǵambetov atyndaǵy mádenıet úıinde baǵdarlama aıasynda kórermender zaly men sahna tósenishi tolyǵymen aýystyryldy. Bı zalynyń shatyry jóndeldi. Mádenıet úıiniń jaramsyz esikteri aýystyrylyp, qajetti oryndyqtar alyndy.
Tıtov qystaǵynda ornalasqan M.Eralıeva atyndaǵy mádenıet úıi de baǵdarlama aıasynda jańǵyrtýdan ótti. Ǵımarattyń qasbeti jańartylyp, keramogranıtpen qaptaldy. Syrtqy qabyrǵasyna dekoratıvti-árleý júrgizilip, syrtqy esigi aýystyryldy. Kıim iletin oryn plastıkalyq materıalmen bólinip jabdyqtaldy. Jergilikti turǵyndardyń bos ýaqytyn tıimdi ótkizý jáne salaýatty ómir saltyn ustaný maqsatynda mádenıet úıi ishinen ashylǵan sport sektsııasy ótetin oryn ońtaılandyryldy.
Sonymen qatar, Qosshyńyraý aýyldyq okrýgindegi Abaı aýyldyq mádenıet úıiniń tóbesin jumsaq jabynmen jabý jumystary júrgizildi.
Sondaı-aq, Qyzylorda qalasyndaǵy kóptegen oryndar kórkeıe tústi.