Qyzylorda qalasynda 14 shaqyrym jylý júıesi qaıta jańǵyrtyldy
Aıtý kerek, sońǵy jyldarda óńirde jylý júıesin qaıta jańǵyrtý jumystaryna erekshe mán berilip keledi. Bul jobalar «Nurly jer» jáne «Jumyspen qamtý jol kartasy» baǵdarlamalary aıasynda júzege asty. Baǵdarlama boıynsha Qyzylorda qalasynda 14 shaqyrym jylý júıesin qaıta jańǵyrtý iske asyryldy.
Qyzylorda oblysynyń ákimi Gúlshara Ábdiqalyqova jylý berý maýsymyna daıyndyq máselesine basa nazar aýdaryp otyr. Osy oraıda oblystyq energetıka jáne turǵyn úı-kommýnaldyq sharýashylyq basqarmasynyń basshysy Rýslan Nurmaǵanbetov aımaq bashysymen júzdesýinde jylý maýsymyna daıyndyq barysy jaıynda áńgimeledi. Sondaı-aq, ol kommýnaldyq kásiporyndardyń jóndeý jumystarynyń qalaı júrip jatqanyn baıandady.
«Aımaqta aldaǵy jylý berý maýsymynda áleýmettik saladaǵy 1 185 áleýmettik sala nysanǵa 39,5 myń tonna qatty jáne 26 myń tonna suıyq otyn qajet bolyp tur. Al jergilikti turǵyndar 163,6 myń tonna kómir paıdalanady. Búginde 25 myń tonna kómir bar. Oblysta kómir baǵasynyń ósýine jol bermeýge nazar aýdarylǵan. Bul maqsatta kómir óndiretin kásiporyndarmen tikeleı kelisim-shart jasalýda. Qazir kommýnaldyq kásiporyndardyń jóndeý jumystary 66%-ǵa oryndaldy. Oǵan qosa áleýmettik sala nysandar jáne avtonomdy qazandyqtardy jóndeý 81%-ǵa jýyqtap otyr. Sondaı-aq, ortalyqtandyrylǵan jylý júıesine qosylǵan kóp qabatty turǵyn úılerdiń daıyndyǵy búginde 70%-dy quraıdy», - dedi basqarma basshysy.
Oblysta áleýmettik nysandarǵa júrgiziletin jylý júıesin jumystary boıynsha esepti tyńdady. Bıyl óńirde 1185 áleýmettik sala nysandarynyń jóndeý 81%-ǵa oryndalǵan. Onyń ishinde 432-i bilim, 312-i mádenıet, 247-i densaýlyq saqtaý salalaryn qamtıdy. Odan ózge 460 kishi qazandyqty jóndeý atqaryldy. Bıyl oblys boıynsha 19 áleýmettik nysannyń jylý qazandyǵyn gaz otynyna beıimdeý josparlanyp otyr.
Júzdesý barysynda oblys ákimi Gúlshara Ábdiqalyqova basqarma basshysyna jylý maýsymy deıin qajetti sharalardy kezeń-kezeńimen iske asyrý qajettiligin mindettedi. Oǵan qosa jylý júıeleri talapqa saı ýaqytyly daıyn bolýy tıis. Bul rette qysqa daıyndyq máseleleri oblystyq shtabtyń turaqty baqylaýynda bolady.
Sondaı-aq, Qyzylorda oblysynyń Syrdarııa aýdanynda 2 turǵyn úı irgetasy qalandy.
