Qyzylorda qalasyna qarasty eldi mekende jańa klýb paıdalanýǵa berildi
QYZYLORDA. 4 maýsym. QazAqparat - Qyzylorda qalasyna qarasty Jaqypbek Mahanbetov aýylynda keshe eńseli aýyldyq klýb paıdalanýǵa berildi. Bul týraly oblys ákiminiń baspasóz qyzmeti habarlady.
Aýyldaǵy klýb úıiniń qurylysy ótken jyly bastaldy. Ony «Jabdyqtaý» kompanııasy qurylys jumysyn merziminen 5 aı buryn bitirdi. Ǵımarattyń sapasyna qoıar min joq. 150 oryndyq ýaqyt talabyna saı salynǵan klýbtyń ishinde túrli úıirmeler, «Aq bata» ájeler toby jumys júrgizýge kirisipti. Onyń ashylýyna qatysqan oblys ákimi Qyrymbek Kósherbaev klýb ujymyna teledıdar tartý etti.
