Qyzylorda qalasy men 5 aýdan jaryqsyz qaldy: Mamandar brıfıng ótkizdi
QYZYLORDA. QazAqparat – «Qyzylorda jylý elektr ortalyǵynda» apatty jaǵdaı oryn alǵan joq. Bul týraly Óńirlik kommýnıkatsııalar qyzmetindegi brıfıngide «KEGOC» AQ ókili Tileýbergen Qanybetov málim etti, dep habarlaıdy QazAqparat tilshisi.
16 naýryz kúni keshke Qyzylorda qalasy men oblystyń 5 aýdany jaryqsyz qalǵan bolatyn. 220 kV kerneýiniń kúrt tómendeýinen elektr energııasy ajyratylǵan.
Málim etilgendeı, jaryq kezeń-kezińimen berilip, tańǵy 08.30-ǵa deıin tolyqtaı qalpyna keltirildi.
«Keshe áleýmettik jelilerde «Qyzylorda jylý elektr ortalyǵynda» apatty jaǵdaı oryn alǵany týraly aqparat – jalǵan. Alaıda Jambyl oblysyndaǵy «KEGOC» ulttyq operatorynyń 220 kV jelisinde apatty jaǵdaı oryn aldy. Sol sebepti ońtústik óńirlerde jaryq bolmady. Qazirgi ýaqytta shekteý alyndy, elektr energııasy qalpyna keltirildi. Oryn alǵan jaǵdaıǵa baılanysty komıssııa qurylyp, ajyratýlardyń sebebin tekserýde», - dedi «KEGOC» AQ-nyń ókili Tileýbergen Qanybetov.
