Qyzylorda qalasy «qyzyl» aımaqqa engizildi
Óńirde sońǵy bes kúndikte kúnine 36-dan 44-ke deıin qaterli indetke shaldyǵý jaǵdaıy tirkelýde. Jyl basynan beri 1102 naýqas koronavırýs ınfektsııasyn juqtyrdy. Pandemııa bastalǵannan beri 3170 jaǵdaı tirkelip, odan 9 adam kóz jumdy.
«Sońǵy kúnderi qalamyzda koronavırýs ınfektsııasynyń taralýy beleń alyp otyr. Aýyrǵan naýqastar sany kúnnen kúnge kóbeıýde. Karantın sharalarynyń kúsheıtilýine qaramastan, keıbir turǵyndar qaýipsizdik sharalaryn saqtamaı, adam densaýlyǵyna qaýip tóndirý jaǵdaılary jıi kezdesýde. Halyqtyń kóptep jınalatyn jerlerine barmaýlaryńyz kerek. Túrli merekeler men toı-tomalaqtardy ótkizýdi de toqtata turýymyz qajet. Bul indetti tek barlyǵymyz birlesip qana jeńetinimizdi esten shyǵarmaýlaryńyzdy suraımyn», - dedi Qyzylorda qalasynyń Bas memlekettik sanıtarııalyq dárigeri Erlan Uzaqbaev.
Oblys ortalyǵynda 12 egý kabıneti bar. Jyljymaly egý pýnktteri de qaralǵan. Vaktsınanyń kólemi artqan kezde qosymsha egý pýnktterin iri saýda ortalyqtarynan ashý josparlanýda.
Esterińizge sala ketelik, Qyzylorda oblysynda karantın talaptary kúsheıtildi.