Qyzylorda qalasy ákiminiń orynbasary Jálıev jańa qyzmetke aýysty

QYZYLORDA. QazAqparat-Búgin qala ákimi N. Nálibaevtyń tóraǵalyǵymen ákimdik májilisi ótti.Ákimdik májilisin bastamas buryn, qala ákimi Nurlybek Mashbekuly kadrlyq ózgeriske toqtaldy.

 Buǵan deıin qala ákiminiń orynbasary qyzmetin atqaryp kelgen Jálıev Nurhan Buharbaıuly jaqynda ǵana Elbasynyń Jarlyǵymen qurylǵan QR Din isteri jáne azamattyq qoǵam mınıstrliginiń  «Taldaý jáne strategııalyq josparlaý departamenti» dırektorynyń orynbasary qyzmetine taǵaıyndaldy. Bul týraly QazAqparat tilshisi habarlady qalalyq ákimdikke silteme jasap.

   "Nurhan Buharbaıuly, qyzmet jolynda óziniń iskerligi men biliktiliginiń arqasynda túrli salalarda jemisti eńbek etip, aımaǵymyzdyń áleýmettik jáne ekonomıkalyq áleýetiniń artýyna erekshe úles qosyp júrgen, saıası tehnologııalardy jáne ıdeologııa salasyn jetik meńgergen maman retinde, tapsyrylǵan barlyq qyzmetterdi abyroıly atqardy"- degen qala ákimi, N.Jálıevke barsha áriptesteriniń atynan alǵysyn bildirip, jańa qyzmetine sáttilik tiledi.

   Sonymen qatar, «Qyzylorda qalasynyń áleýmettik-ekonomıkalyq damýy men óńirimizdiń qoǵamdyq-saıası, mádenı-rýhanı ómiriniń                       ósip-órkendeýine qosqan úlesi jáne abyroıly eńbegi úshin» qala ákimdiginiń «Qurmet» gramotasymen marapattady.

 Kelesi kezekte, májilistiń kún tártibinde bekitilgen  eki másele qaraldy. «Dıplommen aýylǵa» baǵdarlamasynyń oryndalý barysy týraly" qala ákiminiń orynbasary Marsbek Moldabaev jáne "Qyzylorda qalasy jáne oǵan qarasty eldi mekenderdiń bekitilgen qala qurylysy qujattarynda belgilengen talaptardyń saqtalýy týraly" qalalyq sáýlet jáne qala qurylysy bóliminiń basshysy Pakýatdın Shamuratovtyń habarlamalary tyńdaldy.