Qyzylorda irgesindegi Talsýat aýylyna gaz berildi
QYZYLORDA. QazAqparat - Búgin Qyzylorda qalasyna qarasty Talsýat aýylyna tabıǵı gaz berildi,-dep habarlady QazAqparat HAA tilshisi qalalyq ákimdikke silteme jasap.
Jańa jyl qarsańyndaǵy jaǵymdy jańalyqqa oraı aýyl turǵyndaryn Qyzylorda qalasynyń ákimi Nurlybek Nálibaev quttyqtady.
- 2014-2015 jyldary Tasbóget jáne Qyzyljarma kentteri tabıǵı gazben qamtamasyz etildi. Bıyl Talsýat aýyldyq okrýgin jáne úsh áleýmettik nysandy gazdandyrý jobasy júzege asyrylyp, 31 shaqyrymdyq gaz qubyry tartyldy. Keler jyly qalaǵa qarasty Belkól kentin gazdandyrýǵa qarjy bólinip, kóktemde qurylys jumystary bastalady,-dedi qala basshysy.
Aýyldyqtar qýanyshyna oraı eńbek ardageri, aýyldyq qoǵamdyq keńestiń tóraǵasy Janáli Júnisov te óz lebizin jetkizdi. Munan soń arnaıy qondyrǵydaǵy alaýdy jaǵý rásimi ótti.
