Qyzylorda halqynyń 80 paıyzǵa jýyǵy ınternet paıdalanady
QYZYLORDA. QazAqparat - Ótken jyly Qyzylorda oblysynda kompıýterdi paıdalanýshylar úlesi (6 jastan joǵary) jalpy halyq sanynyń 79,7%-yn qurady, dep habarlady QazAqparat HAA tilshisi oblystyq statıstıka departamentine silteme jasap.
Sonymen qatar, oblys halqynyń 95,2%-y ózderin kompıýterdi meńgergender qataryna jatqyzady.
Oblys aýmaǵyndaǵy turǵyn úılerdiń 96,9 paıyzy úshin ınternet jelisi qoljetimdi. Al ınternetke keń jolaqty qosylý úlesi 62,1% bolyp otyr.
Zertteýler nátıjesinde 65,4% respondent ǵalamtordy áleýmettik jelilerge kirý úshin qoldanatynyn kórsetse, 49,2% aqparat ornalastyrý, habarlamalar almasý maqsatynda paıdalanatynyn aıtqan. Ǵalamtordaǵylardyń teń jartysy túrli fotolar men fılmder kórip, oıyndar júkteıtin bolyp shyqty. Al taýarlar men densaýlyq saqtaý salasyndaǵy qyzmet týraly málimet izdeıtinder qatary 30 paıyzǵa da jetpeıdi.
