Qyzylorda darııanyń eki jaǵalaýyna ornalasatyn bolady
QYZYLORDA. 1 aqpan. QazAqparat - Qyzylorda Astananyń úlgisimen ózenniń eki jaǵalaýyna ornalasatyn qala bolǵaly tur. Bul týraly qala ákimi Marhabat Jaıymbetov habarlady.
«Budan birneshe jyl buryn bekigen qalanyń bas josparynda Syr boıyndaǵy bas qalany darııanyń eki qaptalyna qatar ornalastyrý qarastyrylǵan bolatyn, - dedi ol. - Ákimshilik ortalyq qazirgi ornalasqan aýdanynda qala beredi. Al endigi jańa qurylystar, turǵyn úı mahallalary, áleýmettik baǵyttaǵy úıler sol jaǵalaýdan boı kóteredi. Ázirge 1532 gektar jerge ınfraqurylym men jańa qurylys alańdaryn jasaý josparlanyp otyr».
Eki jaǵalaýdy jalǵastyryp turatyn, álbette, kópirler bolmaq. Osyǵan oraı qala ákimi darııanyń boıynan alty kópir salynatynyn aıtady. Olardyń 4-i kólikke arnalsa, 2-i jaıaý júrginshiler úshin salynady.
