Qyzylorda: Bilim basqarmasy jasóspirimderdiń tóbelesi týraly vıdeoǵa túsinik berdi
QYZYLORDA. QazAqparat - Qyzylordada dárethanada qatarlasyn uryp soqqan jasóspirimder týraly vıdeoǵa oblystyq bilim basqarmasy túsinik berdi, dep habarlaıdy QazAqparat tilshisi.
Esterińizge sala ketelik, áleýmettik jelide qatarlas oqýshyny uryp-soqqan balalar jaıynda vıdeo tarap ketken edi. Taıaq jegen oqýshyǵa birneshe jasóspirim qol jumsaǵan.
Qyzylorda oblystyq bilim basqarmasy atalmysh vıdeoǵa baılanysty túsinik berdi. Aıtýlarynsha, keleńsiz oqıǵa budan bir jyl buryn, 2018 jyldyń 18 aqpanynda bolǵan.
«Bul oqıǵa Qyzylorda qalasyndaǵy №10 mektepte oryn alǵan. Vıdeodaǵy jasóspirimder byltyr 9-synypty bitirgen. Qazir qaladaǵy kolledjderde bilim alady. Qazir mektepte oqymaıdy. Osy oqıǵa boıynsha eshkim aryz túsirmegen. Jergilikti polıtsııa ókilderi mán-jaıdy anyqtap jatyr», - deıdi oblystyq basqarmasynyń baspaóz qyzmeti.
Budan buryn Mektep dárethanasynda qurdastaryn soqqyǵa jyqqan oqýshylar sottalýy múmkin ekenin habarlanǵan edi.
