«Qyzylorda-Besaryq-Túrkistan» poıyzy qatynaı bastady
«Bul áleýmettik mańyzy bar baǵyt bolyp tabylady. Sol sebepti oblys ákimdigi men bizdiń kompanııa arasynda uzaq merzimdik qarjylandyrý jóninde 10 jyldyq kelisimge qol qoıyldy. Oblys basshylyǵymen tyǵyz baılanysty odan ári jalǵastyryp, taıaý bolashaqta Sekseýil-Qyzylorda poıyzyn shyǵarý jóninde kelisimge kelemiz dep úmittenemiz», - dedi saltanatty shara barysynda «Qalamańy tasymaly» AQ basshysy Muhtarbek Súleımenov.
Qalamańy poıyzy beısenbi men sársenbiden basqa kúnderi aptasyna bes ret qatynaıtyn bolady. Vagondar qazirgi zaman talabyna saı aýa baptaǵyshtarmen jabdyqtalǵan. Jol júrý quny - 814 tenge.
Qyzylorda oblysynyń turǵyndaryna qolaıly bolý úshin poıyz eki baǵytta da joldaǵy barlyq beketter men razezderge aıaldaıdy. Aıaldaý núkteleriniń jalpy sany - 25, sol sebepti jolda júrý ýaqyty 5 saǵatty quraıdy.
