Qyzylorda, Batys Qazaqstan oblystarynda 10 shildede shań kóterilip, daýyl turady
ASTANA. 9 shilde. QazAqparat - Respýblıkanyń basym bóliginde aýa raıy turaqsyz bolady, keı jerlerde jańbyr jaýyp, naızaǵaı jarqyldaıdy, uıytqyǵan jel soǵady.
Bul týraly Qazgıdrometke silteme jasap, QR TJM baspasóz qyzmetinen habarlaıdy.
Ońtústik Qazaqstan, Pavlodar, Shyǵys Qazaqstan, Qyzylorda oblystarynda, kúndiz Qostanaı, Batys Qazaqstan oblystarynda keı jerlerde jeldiń 15-20 m/s-qa kúsheıýi kútilýde, Qyzylorda, Batys Qazaqstan oblystarynda shań kóterilip, daýyl turady.
Kúndiz Atyraý oblysynda keı jerlerde 15-20 m/s-qa jel soǵady, jel ekpini 25 m/s-qa deıin jetýi yqtımal, burshaq jaýýy múmkin.
Soltústik Qazaqstan oblysynda túnde jáne tańerteń keı jerlerde tuman túsedi.
Almaty, Aqtóbe oblystarynda keı jerlerde qatty ystyq bolady.
Respýblıkanyń soltústik-batysynda, ońtústiginde, ońtústik-shyǵysynda jáne ortalyǵynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústiginiń, ońtústik-shyǵysynyń jáne shyǵysynyń taýly ózenderinde sý deńgeıiniń turaqsyzdyǵy kútilýde. Qazaqstannyń jazyq aýmaǵynyń ózenderinde gıdrologııalyq tártipte aıtarlyqtaı ózgerister kútilmeıdi.
