Qyzylorda Azıada alaýyn qabyldap aldy
QYZYLORDA. 15 qańtar. QazAqparat /Jańagúl Serdaly/ - Keshe keshke 7-nshi qysqy Azııa oıyndarynyń alaýy Shymkentten charterlik reıspen Qyzylorda áýejaıyna jetkizildi.
Osy jerde alaý estafetasy dırektsııasynyń ókilderi baspasóz máslıhatyn ótkizdi.
Al búgin, qańtardyń 15-i kúni saǵat 12-00-de QR Tuńǵysh Prezıdenti saıabaǵynda alaý estafetasynyń ashylý saltanaty boldy. Saltanattan keıin alaýdy qala kósheleri boıymen alyp júgirý máresi bastalyp ketti. Ony oblys ákimi Bolatbek Qýandyqov birinshi bolyp alyp shyqty. Ol ózine tıesili 200 metr aralyqty júgirip ótkennen keıin alaýdy toǵyzqumalaqtan elimizdiń birneshe dúrkin chempıony Ásel Dálıevaǵa tapsyrdy. Budan keıin alaý estafetasyna Natalıa Leptıkova, Almas Óteshov, Olga Egýnova, Janar Janzunova sekildi belgili jattyqtyrýshylar men sportshylar qatysty.
Jalpy, Qyzylordada alaý estafetasy eki kezeń boıynsha ótkizilgeli otyr. Onyń birinshi kezeńi túste Ǵ.Muratbaev atyndaǵy stadıonǵa jetýmen aıaqtalady. Al tús aýa temirjol vokzaly mańynda ekinshi kezeń bastalady. Bularǵa barlyǵy qatysady. Estafetanyń sońǵy kezeńi ortalyq alańda aıaqtalyp, sońy otshashýǵa ulasady.
