Qyzylorda: Aıran ishinen esirtki tabyldy

QYZYLORDA. QazAqparat - Qyzylordada túzeý mekemesine kelgen sálemdemede aıran ishinen esirtki tabyldy, dep habarlaıdy QazAqparat tilshisi.

Qyzylorda oblysy boıynsha qylmystyq atqarý júıesi departamentiniń málimetine boıynsha, ZK-169/1 mekemesiniń tergeý-qamaýynda otyrǵan azamatqa tanysy esirtki ótkizýge árekettengen.

«Tanysyna kelgen azamat 1 lıtr ydysqa quıylǵan aırannyń ishine 2 dana polıetılen paketke salynǵan esirtki ótkizbek bolǵan. Sot-hımııalyq saraptamasynyń qorytyndysyna sáıkes, tárkilengen zattyń «keptirilgen marıhýana» ekeni anyqtaldy. Atalǵan derek boıynsha QR Qylmystyq kodeksiniń 297- baby 1- bóligimen sotqa deıingi tergep- tekserý amaldary júrgizilip jatyr», - dedi Qyzylorda oblysy boıynsha qylmystyq atqarý júıesi departamenti baspasóz qyzmetiniń mamany Dana Dastanova.