Qyzylorda: Aýyl arasynda adam qaqqan júrgizýshige izdeý jarııalandy
QYZYLORDA. QazAqparat - Qyzylorda oblysynda eki aýyl arasyndaǵy jolda kóligimen adamdy qaǵyp ketip, boı tasalaǵan júrgizýshige izdeý jarııalandy, dep habarlaıdy QazAqparat tilshisi.
Oblystyq Іshki ister departamentiniń baspasóz qyzmetinen málim etkendeı, oqıǵa ústimizdegi jyly naýryzdyń 9-ynan 10-yna qaraǵan túni Jańaqorǵan aýdanyndaǵy Jańaryq pen Baıkenje aýyldary arasynda boldy. Adam ólimine alyp kelgen apatqa kináli júrgizýshiniń aty-jóni belgisiz. Ol tizgindegen avtokóliktiń markasy da anyqtalmaǵan.
Qyzylorda oblystyq ІІD atalmysh jol-kólik oqıǵasyna qatysty qandaı da bir málimetke ıe azamattardy Іshki ister departamentine nemese Jańaqorǵan aýdandyq ishki ister bólimine habarlasýdy suraıdy. Aqparattyń qupııalylyǵyna kepildik beriledi.
«Aıta keteıik, QR Kylmystyq kodeksiniń 53-babyna sáıkes, kináli tulǵa óz aıybyn moıyndap kelýi - qylmystyq jaýaptylyqty jeńildetetin mán-jaılar bolyp tabylady», - delingen habarlamada.
Ádilet Qańtarbaev.
