Qyzylorda aýrýhanalarynda 451 postkovıdti ońaltý qyzmeti kórsetildi
Bıyl ońaltý qyzmetterin kórsetý úshin áleýmettik medıtsınalyq saqtandyrý qorynyń fılıaly oblystyń 27 medıtsınalyq uıymymen shart jasasty. Bul ótken jylmen salystyrǵanda 7 medıtsınalyq uıymǵa kóp. Jyl basynan beri táýlik boıy jumys isteıtin aýrýhanalarda 451 postkovıdty ońaltý qyzmetteri kórsetildi.
«Qazirgi tańda aımaqta COVID-19 jáne koronavırýstyq pnevmonııamen aýyratyn naýqastarǵa mindetti áleýmettik medıtsınalyq saqtandyrý esebinen ońaltý qyzmetteri qoljetimdi. Atalǵan sharanyń maqsaty - tynys alý dınamıkasyn jaqsartý, mazasyzdyq pen depressııa belgilerin joıý, asqyný qaýpin azaıtý, deneniń buzylǵan fýnktsııalaryn qalpyna keltirý jáne ómir súrý sapasyn jaqsartý», - dedi «Áleýmettik medıtsınalyq saqtandyrý qory» KEAQ Qyzylorda oblysy boıynsha fılıalynyń dırektory Baqyt Ismahanbetov.
Medıtsınalyq ońaltý úsh kezeńnen turady. Birinshisi - otalar men jaraqattar kezindegi qalpyna keltirý emi. Ol aýrýhanalardyń qurylymdyq bólimshelerinde júzege asyrylady. Al ekinshi kezeńinde mamandandyrylǵan bólimshelerde nemese respýblıkalyq densaýlyq saqtaý uıymdarynyń, mamandandyrylǵan ońaltý ortalyqtarynyń, kópsalaly aýrýhanalardyń quramynda ótedi. Ony aýrýdyń bastalýynan bastap toǵyz aı ishinde júrgizý usynylady. Medıtsınalyq ońaltý ambýlatorııalyq-emhanalyq uıymdarda, kúndizgi jáne táýliktik emhanalarda, ońaltý ortalyqtarynda, sanatorıı-kýrorttyq uıymdarda, úıdegi statsıonarlarda, sondaı-aq qashyqtyqtan júrgizilse, úshinshi kezeńge jatady.
«Áleýmettik medıtsınalyq saqtandyrý qory iske asqaly ońaltýǵa kóp mán berile bastady. Qazirgi tańda ońaltý jumystaryn jandandyryp, odan ári kúsheıtýdemiz. Іndetpen aýyrǵandarǵa eń birinshi kezekte psıhologııalyq kómek qajet. Bizdiń ortalyqta osy negizde birshama jumystar júrgizilýde. Shıpajaıymyz Qarataý bókteriniń janynda ornalasqan. Ońaltýǵa joldama aımaqtyq dárigerge qaralyp, qajet dep tapqan jaǵdaıda beriledi. Bizge kelgennen keıin arnaıy vıtamınder men em-domdar jasalady. Qajet bolsa antıbıotıkter beriledi», - dedi oblystyq ońaltý ortalyǵynyń dırektory Erǵabıt Іlııasov.
Eske salsaq, Qyzylordada jyljymaly brıgadalar aýyldarda KVI-ge qarsy vaktsına egýge erekshe kóńil bólip otyr.
