Qyzylorda áýejaıynyń jańa termınaly úshin Eýropalyq bank 1,7 mlrd teńge nesıe bóledi
ASTANA. QazAqparat - Eýropanyń qaıta qurý jáne damý banki Dırektorlar keńesiniń delegatsııasynyń Qazaqstanǵa eki kúndik sapary bastaldy.
Sapardyń alǵashqy kúninde Dırektorlar keńesiniń músheleri Qazaqstan Respýblıkasy Úkimetiniń ókilderimen dóńgelek ústel ótkizdi.
QR Premer-Mınıstri Kárim Másimovtiń tóraǵalyǵymen ótken dóńgelek ústel barysynda ekijaqty yntymaqtastyq máseleleri, Qazaqstandaǵy qazirgi ekonomıkalyq jaǵdaı talqylanyp, QR Úkimettiń ekonomıkadaǵy jumystary sóz boldy.
«Búgin QR Premer-Mınıstri Kárim Másimovtiń qatysýymen ótken kezdesý nátıjeli boldy. Jalpy, bes mınıstrliktiń delegatsııasy qatysty. Ózderińiz bilesizder, Eýropanyń qaıta qurý jáne damý banki jyl saıyn Qazaqstanǵa shamamen 700 mln eýro ınvestıtsııa quıady. ıAǵnı, búgingi kezdesý barysynda Qazaqstan men Bank arasyndaǵy tereń áriptestik sóz boldy», - deıdi dóńgelek ústeldiń qorytyndysy boıynsha Astanada baspasóz máslıhatyn ótkizgen EQDB dırektorlar keńesiniń múshesi Rafael Belo.
Dóńgelek ústel aıasynda Qazaqstannyń eki óńirinde eki jobany júzege asyrý úshin nesıe bólý týraly qujattarǵa qol qoıylǵan. Birinshi qujat - Oral qalasynyń jylý jelisin modernızatsııalaý bolsa, ekinshi joba - Qyzylordanyń áýejaıyna qatysty.
Tarqata aıtsaq, bastapqy qol jetken ýaǵdalastyqtarǵa sáıkes, Eýropalyq bank Qyzylorda qalasynyń «Qorqyt Ata» atyndaǵy áýejaıyna jańa jolaýshylar termınalyn salyp, áýejaıdyń ınfraqurylymyn jańartý úshin 1,7 mlrd teńge kóleminde nesıe bóledi.
Qazaqstannyń Úkimeti men qyzylorda oblysynyń ákimdigi óz tarapynan da bul jobany qosymsha qarjylandyrmaq.
