Qyzylorda áýejaıynyń qurylysy bıyl bastalady
Bul týraly Kyzylorda oblysynyń ákimi Qýanyshbek Ysqaqov oblystyq qoǵamdyk keńes aldyndaǵy esebinde málim etti.
Áýejaıdy jańartý, kaıta salý máselesi qyzylordalyq turǵyndardyń kókeıinde kópten beri júrgen bolatyn. Aldaǵy ýaqytta jobany memlekettik-jekeshelik áriptestik aıasynda iske asyrý josparlanyp otyr. Osy maqsatta byltyr jekeshe áriptesti anyqtaý boıynsha konkýrs ótkizildi. Konkýrstyń birinshi kezeńi boıynsha Nur-Sultan qalasyndaǵy «BI Civil Construction» JShS biliktilik irikteýden ótti. 2019 jyldyń 22 qarashasynda seriktestik óz qarjysy esebinen jobanyń tehnıkalyq-ekonomıkalyq negizdemesin ázirledi. Nátıjesinde memlekettik saraptamanyń oń qorytyndysyn aldy. Qazirgi ýaqytta jobalyq-smetalyq qujattamany ázirleý boıynsha jumystar jasalýda. Bıylǵy jyldyń mamyr aıynda termınal qurylysy bastalady dep kútilýde.
«Qazirgi tańda «Qorqyt Ata» áýejaıy» aktsıonerlik qoǵamy men «FlyArystan» áýe kompanııasynyń arasynda kelisim-shart jasalǵan. Nátıjesinde naýryz aıynyń ortasynan birneshe baǵytta jolaýshylardy arzan baǵamen tasymaldaý uıymdastyrylady. Sondaı-aq, bıyl 29 naýryzdan bastap Reseıdiń «Aeroflot» kompanııasy halyqaralyq «Máskeý-Qyzylorda-Máskeý» baǵyty boıynsha aptasyna 4 ret (dúısenbi, sársenbi, juma, senbi kúnderi eki arada áýe qatynasyn atqarady»,- dedi oblys ákimi.