Qyzylorda: Aral aýdanynda provızorlyq statsıonar jabyldy
QYZYLORDA. QazAqparat - Qyzylorda oblysy Aral aýdanynda provızorlyq statsıonar jumysyn toqtatty. Emdeý ornynan sońǵy naýqas saýyǵyp shyqty, dep habarlaıdy QazAqparat tilshisi.
Sońǵy ýaqytta Aral aýdanynda epıdemıologııalyq jaǵdaı jaqsardy. Osyǵan baılanysty Aral qalasynda koronavırýs ınfektsııasy kúsheıgen tusta ashylǵan provızorlyq statsıonardy jabý jóninde sheshim qabyldandy.
«Provızorlyq bólimshe bes aıdan astam ýaqyt ishinde 286 naýqasty aıyqtyrdy. Naýqastarǵa 22 medıtsına mamany qyzmet kórsetti. Dárigerler birneshe aýysym boıynsha táýlik boıy tynymsyz eńbek etti. Qazir statsıonar ishinde dezınfektsııalyq óńdeý jumystary júrgizilýde», - dep málim etti Aral aýdanynyń ákimdigi.
Budan buryn Qyzylorda oblysy Jalaǵash aýdanynda provızorlyq statsıonar jabyldy.
