Qyzylorda: Aqshany urlaǵan kelin bolyp shyqty
QYZYLORDA. 11 tamyz. QazAqparat - Qyzylorda polıtseıleri qala turǵynynyń bank kartasyn urlap áketip, bankomatynan 25 myń teńgeni urlap alǵan adamdy ustady. Muny jasaǵan sol otbasynyń týǵan kelini bolyp shyqty. Bul týraly oblystyq ishki ister departamentiniń baspasóz qyzmetinen habarlady.
Oblys ortalyǵynyń 1967 jyly týǵan turǵyny qalalyq ishki ister basqarmasyna belgisiz bireý úıiniń qonaq bólmesindegi jeke kýáligi men bank kartasyn kodymen urlap ketip, shotynan 25 myń teńge aqshasyn alyp ketkendigi jóninde aryzdanǵan. Shaǵymdanýshynyń aıtýy boıynsha kópke deıin ol qujaty men kartasyn joǵaltyp aldym oılaǵan. Bank kartasyn qaıta jasatýǵa barǵanda esepshotyndaǵy aqshanyń joqtyǵyn bilgesin polıtsııaǵa kelgen.
Polıtsııa qyzmetkerleri jedel izdestirý sharasyn júrgizip, kúdiktini tapty. Sezikti shaǵymdanýshymen birge turatyn 1994 jyly týǵan kelini Sh.Q. bolyp shyqty.
Búginde qaınaǵasynyń qaltasyna qol salǵan kúdikti kelin ustalyp, tekserý amaldary júrgizilýde.
