Qyzylorda ákiminiń orynbasary taǵaıyndaldy

ASTANA. 19 aqpan. QazAqparat -Qyzylorda oblysy ákiminiń aǵymdaǵy jyldyń 19 aqpanyndaǵy ókimimen QR Prezıdenti Ákimshiliginiń kelisimimen aımaq ákiminiń orynbasary qyzmetine Ǵalym Mahmutbaıuly Ámreev taǵaıyndaldy.

Bul týraly oblystyq ınternet-gazet habarlady.

Ǵalym Mahmutbaıuly Ámreev 1970 jyly Qyzylorda qalasynda dúnıege keldi. Bilimi joǵary. «Qarjy jáne nesıe» mamandyǵy boıynsha Máskeý ekonomıka jáne statıstıka ınstıtýtyn, «Zańger» mamandyǵy boıynsha Qorqyt ata atyndaǵy Qyzylorda memlekettik ýnıversıtetin támamdady.

Óziniń eńbek jolyn 1991 jyly «Farıd LTD» AQ-da broker bolyp qyzmet etýden bastady. 2001-2011 jyldary ekonomıkalyq damý jáne saýda, ındýstrııa jáne saýda, sondaı-aq ındýstrııa jáne jańa tehnologııalar mınıstrlikterinde túrli jetekshi qyzmetterdi atqardy.

2012 jyldan bastap osy laýazymǵa taǵaıyndalmas buryn «Samuryq-Qazyna» AQ ınnovatsııalyq saıasat departamentiniń dırektory boldy.