Qyzylorda ákimi boksshy Qamshybek Qońqabaevqa kólik syılady
QYZYLORDA. QazAqparat - Qyzylorda oblysynyń ákimi Qyrymbek Kósherbaev Germanııa jáne Qytaı memleketterinde ótken sporttyq jarystardyń júldegerlerimen kezdesti, dep habarlaıdy QazAqparat tilshisi.
Oblys ákimi halyqaralyq jarystarda júldeger atanǵan Qamshybek Qońqabaevqa avtokólik kiltin, Rústem Sybaıǵa 2 mln teńge, al olardyń bapkerlerine 500 myń teńgeniń sertıfıkattaryn tabystady. 
Esterińizge sala keteıik, Gambýrgte 25 tamyz ben 2 qyrkúıek aralyǵynda bokstan áýesqoılar arasynda ótken HІH álem chempıonatynda Qazaqstan quramasy 1 altyn, 2 kúmis, 3 qola júldeni oljalap, jalpykomandalyq esepte 3-shi oryndy ıelengen bolatyn. Jerlesimiz Qamshybek Qomqabaev «kúmis» medaldiń ıegeri atandy.
Ziltemirshi Rústem Sybaı da 19-30 tamyz aralyǵyndla Qytaıdyń Taıbeı qalasynda ótken 29-shy búkilálemdik jazǵy Ýnıversıadada 2-shi oryndy jeńip aldy.
Oblys ákimi sportshylardy jeńisterimen quttyqtap, Ońtústik Korıada ótetin Azııa oıyndarynda jáne 2020 jyly Tokıoda ótetin Olımpıadada jarystarynda sáttilik tiledi.
"Eńbeksiz jeńis te bolmaıdy. Qos sportshynyń júldesi jastardyń jigerin jandyryp, jańa bıikterge jeteleıdi. Sizder bizdiń elimizdiń halyqaralyq sporttaǵy mártebesiniń joǵary ekendigin dáleldep, jattyqtyrýshylar men jankúıerlerdiń ǵana emes, barsha qazaqstandyqtardyń úmitin aqtadyńyzdar", - dedi aımaq basshysy.
Sportshylar óz kezeginde saıystan alǵan áserlerimen bólisip, barsha tileýlesterine alǵystaryn bildirdi. 
