Qyzylorda 2019 jyly 1400 beınebaqylaý kamerasy ornatylmaq
QYZYLORDA. QazAqparat - Qyzylorda qalasynda «Qaýipsiz aýla» jobasy ákimshilik quqyq buzýshylyq pen qylmystyń aldyn alý baǵytynda oń nátıjesin berip otyr, dep habarlaıdy QazAqparat tilshisi.
Elbasynyń bıylǵy Joldaýynda quqyq qorǵaý organdarynyń jumysyna tereń jáne sapaly ózgerister qajet ekeni aıtylǵan.
Qyzylorda oblystyq polıtsııa departamenti baspasóz qyzmetiniń málimetine súıensek, qazirgi tańda ákimshilik quqyq buzýshylyq pen qylmystyń aldyn alý baǵytynda oblys ortalyǵynda 272 beınebaqylaý kamerasy ornatylǵan. Olardyń 153-i Qyzylorda qalasynyń kóshe qıylysynda, 7-i meshitterdiń janynda, 12-i túzeý mekemeleriniń aýmaǵynda, 10-i kóp qabatty úılerdiń aýmaǵynda tur.
«Atalmysh qurylǵylar qylmystyq oqıǵalardyń jedel ashylýyna, ákimshilik quqyq buzýshylyqtardyń aldyna alýǵa jáne basqa da jumystarǵa oń septigin tıgizip otyr. Osynyń nátıjesinde Qyzylorda qalalyq ishki ister basqarmasynyń jedel basqarý ortalyǵynyń beınebaqylaý kameralarynyń kómegimen polıtsııanyń keshendi kúshterin tıimdi paıdalanýǵa jol ashyldy. Olardyń osylaısha jyldam qımyldaýynyń nátıjesinde 2018 jyldyń 10 aıynda barlyǵy 63 qylmys ashylǵan», - dedi Qyzylorda oblystyq polıtsııa departamenti bastyǵynyń orynbasary Nurlan Anarbaev.
Sondaı-aq, 2018 jyldyń 10 aıynda qaladaǵy jaýapty sala mamandarymen birlese otyryp kóptegen jumystar atqarylyp keledi. Qala ortalyǵynda ornatylǵan beınebaqylaý kameralarynyń kómegimen 14783 ákimshilik quqyq buzýshylyq anyqtalǵan.
«Aldaǵy ýaqytta jedel basqarý ortalyǵynyń beınebaqylaý júıesin keńeıtýge nazar aýdaryp otyrmyz. Osy maqsatta 2019 jyly 1400 dana beınebaqylaý kamerasyn ornatý josparlanǵan», - dedi N.Anarbaev.
Qyzylorda qalasynyń polıtsııa qyzmetkerleri kóp qabatty úılerdiń aýlalary men halyq kóp shoǵyrlanǵan aımaqtarǵa jaıaý patrýl baǵytynda jumystar júrgize bastady. Bul tájirıbe oń nátıjesin berip otyr. Atalmysh shara tamyz aıynan bastap qolǵa alynyp otyr.
Odan bólek qala mańynda ornalasqan «Sabalaq», «Pışevık», «ıAgodka», «Drýjba», «Stroıtelnaıa» saıajaılary men Qaraýyltóbe, Abaı, Qaraózek aýyldarynda reıdtik sharalar júrgizildi. Іs-sharalar barysynda polıtsııa qyzmetkerleri úı-úılerdi aralap, turǵyndarmen kezdesti. Turǵyndar tarapynan kelip túsken saýaldar boıynsha shuǵyl sharalar qabyldandy. Osynyń nátıjesinde ákimshilik quqyq buzýshylyq jasaǵan 224 tulǵaǵa ákimshilik hattama toltyryldy.
Budan buryn Qyzylordada IT-park jastardyń startap-jobalaryn ázirleıtinin habarlaǵan edik.
