Qyzyloradada tsıfrlyq formatta respýblıkalyq olımpıada ótkizildi
Atalmysh olımpıada uzaq jyldar boıy tarıh páninen ustazdyq etken Sáden Nurtaevtyń qurmetine arnaldy. Igilikti shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy negizinde qolǵa alyndy.
Respýblıkalyq olımpıadaǵa «Órleý» BAUO» AQ Almaty oblysy boıynsha PQ BAI dırektory, Qyzylorda jáne Shymkent qalasy boıynsha PQ BAI qyzmetkerleri, respýblıkamyzdyń bilim berý uıymdarynyń basshylary men pedagogtary qazylyq jasady. Bilim báıgesi 9-10-synyp oqýshylary arasynda ótti.
Tsıfrlyq formatta ótkizilgen olımpıada barysynda eki kezeń boıynsha qorytyndy upaı qatysýshylarǵa birden kórsetildi. Sondaı-aq, mundaı format oqýshylardyń shynaıy baǵasyn alýyna septigin tıgizdi. Olımpıada oqýshy ǵana emes, muǵalimniń de bilim deńgeıi tarazylady. Sondyqtan mundaı formattaǵy olımpıadany jıi ótkizý turý josparlanyp otyr.
Bilim básekesine qatysýshylar alǵashqy kezeńde ACTIVote qurylǵysy arqyly test suraqtaryna jaýap berdi. Týrdyń qorytyndysy boıynsha joǵary ball jınaǵan 9-synyptan 8 (segiz) jáne 10-synyptan 8 (segiz) qatysýshy negizgi kezeńge joldama aldy.
Ekinshi kezeń boıynsha joldama alǵan qatysýshylar Power Point baǵdarlamasynda jasalǵan deńgeılik tapsyrmalarǵa jaýap berý arqyly upaı jınady. Nátıjesinde 9-synyp oqýshylary arasynda Syrdarııa aýdany №42 orta mektep oqýshysy Shuǵyla Telmanqyzy jeńimpaz atanyp, oǵan 120 myń teńge kóleminde syıaqy berildi. Sondaı-aq, shıelilik Dılnaz Moldashova, qarmaqshylyq Baqerke Saparǵalıqyzy júldegerler qatarynan kórindi. Al 10-synyp oqýshylary arasynda Shymkent qalasy № 90 jalpy orta mektebiniń oqýshysy Bekzat Eralıev birinshi oryn aldy. Sondaı-aq, syrdarııalyq Aqtoty Pirimbetova men qarmaqshylyq Qaısar Myrzaǵalıuly úzdikter qatarynda boldy.